Истиқболли бошқарув кадрларини танлаб олиш бўйича «Тараққиёт»республика танлови.

Истиқболли бошқарув кадрларини танлаб олиш бўйича «Тараққиёт» республика танлови

Жорий йилнинг 30 май куни “Истиқболли бошқарув кадрларини танлов асосида танлаб олишнинг замонавий тизимини яратиш чора-тадбирлари тўғрисида” ПҚ-3755-сонли Президент Қарори қабул қилинди. Ҳужжатда давлат ва хўжалик бошқаруви органлари, маҳаллий ижро этувчи ҳокимият органлари, бошқа давлат органлари ва ташкилотлари тизимида кадрларнинг касбий малакасини узлуксиз ошириб боришга кўмаклашиш кўзда тутилган. Мазкур Қарорга кўра, Инновацион ривожланиш вазирлиги, Ўзбекистон Республикаси Президенти ҳузуридаги Давлат бошқаруви академияси ва “Буюк келажак” халқаро нодавлат нотижорат ташкилотининг ҳар уч йилда перспектив бошқарув кадрларини саралаш бўйича “Тараққиёт” танловини ўтказиш тўғрисидаги таклифи маъқулланди. batafsil...

Танловнинг асосий вазифалари:

Давлат ва xўжалик бошқаруви органларининг, маҳаллий ижро этувчи ҳокимиятларнинг ва бошқа ташкилотларнинг юқори малакали кадрларини аниқлаш ва уларни рағбатлантириш;

етакчилик ва раҳбарлик салоҳияти юқори бўлган истиқболли бошқарувчиларни танлаш ва уларни янада қўллаб-қувватлаш.

ҒОЛИБЛАР ТАҚДИМОТИ

Танловнинг 50 ғолибига энг кам иш ҳақининг 50 баробари миқдорида пул мукофоти берилади. Улар Ўзбекистон Республикаси Президенти ҳузуридаги Давлат бошқаруви академияси ҳамда Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Абу Райҳон Беруний номидаги Бизнес ва бошқарув республика олий мактабида 3 ойлик "Бошқарув кадрларни тайёрлаш бўйича Президент дастури" курсларини ўқийди ҳамда тегишли номинациялар бўйича давлат ва хўжалик бошқаруви органларига раҳбар лавозимига тайинланади. Финал босқичига етиб келган 100 нафар иштирокчи эса энг кам иш ҳақининг 25 баравари миқдоридаги пул мукофоти билан тақдирланади. Бундан ташқари, улар ўз номинацияси бўйича давлат ва хўжалик бошқаруви органларининг раҳбар кадрлари захирасига киритилади.